Coronafeirws (COVID-19)
Mae Technoleg Iechyd Cymru (HTW) yn gweithio gyda phartneriaid ym maes iechyd a gofal cymdeithasol i gefnogi’r ymateb i bandemig y coronafeirws (COVID-19).
Gan fod y sefyllfa COVID-19 yn newid yn gyflym, bydd y dudalen hon yn cael ei diweddaru’n rheolaidd gyda gwybodaeth newydd am ein ffyrdd o weithio a’r gwasanaethau rydym yn eu darparu.
Adolygiadau tystiolaeth ac ymchwil
Mae Technoleg Iechyd Cymru (HTW) yn Bartner Cydweithredol i Ganolfan Dystiolaeth COVID-19 Cymru, gan ddarparu arbenigedd ymchwil a mewnbwn i’r ganolfan bwrpasol ar gyfer ymateb i bandemig COVID-19.
Ariennir Canolfan Dystiolaeth COVID-19 Cymru gan Lywodraeth Cymru drwy Ymchwil Iechyd a Gofal Cymru a chaiff ei chynnal gan Brifysgol Caerdydd. Ei phrif ddiben yw adolygu a syntheseiddio tystiolaeth ymchwil ledled y DU a rhyngwladol yn gyflym i gefnogi gwneud penderfyniadau gan randdeiliaid sy’n ymwneud â pholisi ac ymarfer iechyd a gofal cymdeithasol.
Gellir dod o hyd i adroddiadau o’r adolygiadau cyflym o dystiolaeth, ynghyd â rhagor o wybodaeth, ar y Gwefan Canolfan Dystiolaeth COVID-19 Cymru.
Roedd HTW wedi cefnogi’r ymateb i’r pandemig yn flaenorol drwy gyfrannu at bwyllgorau a thasgluoedd Llywodraeth Cymru, gan gyd-ysgrifennu tri adolygiad cydweithredol pan-Ewropeaidd a darparu cyngor gwyddonol i ddiwydiant. Mae’r adroddiadau hyn i’w gweld isod.
Crynhoad tystiolaeth
Rydym wedi cynhyrchu crynodeb o ddolenni i wefannau sy’n coladu neu’n cyfosod tystiolaeth yn ymwneud â COVID-19. Canllaw cyflym yw hwn, ac felly nid yw’n hollgynhwysfawr, ond caiff ei ddiweddaru’n rheolaidd yn ôl yr angen.
Cliciwch yma i ddarllen y crynodeb tystiolaeth diweddaraf.
Cyngor gwyddonol
Gall datblygwyr technoleg a chwmnïau sy’n datblygu therapiwteg a diagnosteg sy’n gysylltiedig â COVID-19 dderbyn cyngor gwyddonol am ddim gan HTW.
Gall ein cyngor helpu gyda nifer o agweddau ar asesiadau technoleg iechyd, gan gynnwys; casglu tystiolaeth, cynhyrchu tystiolaeth, modelu economaidd ac ati.
Adroddiadau
Adroddiadau Arfarnu Tystiolaeth
Golwg
>
Adroddiadau Archwilio Testun
Golwg
>
Crynodebau cyflym
Golwg
>
Adroddiadau economaidd
Golwg
>
Effaith
Golwg
>
Adroddiadau sydd wedi cael eu cyhoeddi’n allanol
Golwg
>
Cysylltwch â HTW am ein gwaith COVID-19
Rydym yn gwahodd cwestiynau ymchwil sy’n gysylltiedig â COVID, adolygiadau tystiolaeth a cheisiadau am gymorth economeg. Gwahoddir sefydliadau sy’n ymwneud ag Asesu Technoleg Iechyd (HTA), canllawiau a modelu economaidd i ymgysylltu â ni i weld sut y gallwn gydweithio a rhannu adnoddau.
Cysylltwch â ni drwy’r ffurflen gysylltu.
Adborth
Cyngor ac adnoddau pellach:
- Mae’r All Wales Therapeutics & Toxicology Centre (AWTTC) yn darparu cyngor therapiwtig i gynorthwyo’r defnydd priodol o feddyginiaethau yn ystod pandemig COVID-19.
- Health Information and Quality Authority (HIQA) yn darparu diweddariadau rheolaidd am ei ymateb i bandemig COVID-19.
- Mae’r National Institute for Health and Care Excellence (NICE) is cefnogi’r GIG a gofal cymdeithasol i ymateb yn gyflym i heriau’r pandemig COVID-19.
- Mae’r Scottish Health Technologies Group (SHTG) yn tynnu sylw at adnoddau dibynadwy a all gynorthwyo gweithwyr iechyd a gofal proffesiynol yn ystod y pandemig COVID-19.
