Cydweithredu rhyngwladol mewn perthynas ag Asesu Technoleg Iechyd yn ehangu
Bydd cydweithredu rhyngwladol rhwng NICE a phum corff asesu technoleg iechyd o bob rhan o’r DU, Awstralia a Chanada yn croesawu dau gorff Asesu Technoleg Iechyd arall.
Yn sgil ychwanegu Institut national d’excellence en santé et en services sociaux (INESSS), Quebec a Pharmac, Seland Newydd yn y cydweithrediad, bydd mwy na 134 miliwn o bobl yn elwa o waith y grŵp.
Mae’r grŵp, a sefydlwyd yn 2021, bellach yn cynnwys y canlynol:
- Sefydliad Cenedlaethol dros Ragoriaeth mewn Iechyd a Gofal (NICE)
- Canadian Agency for Drugs and Technologies in Health (CADTH)
- Australian Government Department of Health and Aged Care
- Healthcare Improvement Scotland
- Technoleg Iechyd Cymru
- Canolfan Therapiwteg a Thocsicoleg Cymru Gyfan
- Institut national d’excellence en santé et en services sociaux (INESSS)
- PHARMAC, Seland Newydd
Mae adeiladu partneriaethau buddiol gyda chyrff asesu technoleg iechyd rhyngwladol yn cefnogi uchelgais NICE i ddysgu’n barhaus o ddata a gweithredu, drwy ddefnyddio cyfleoedd a heriau a rennir ar gyfer Asesu Technoleg Iechyd. Rydym yn cydweithio ar amrywiaeth o bynciau a fydd o fudd i bobl sy’n cael mynediad at ofal iechyd ar draws y byd, ac a fydd yn caniatáu i NICE fod yn arweinydd byd-eang mewn Asesu Technoleg Iechyd.
Mae’r cydweithrediad wedi blaenoriaethu gwaith mewn 3 maes ar gyfer 2023/2024
- Rhannu gwaith
Ar gyfer technolegau fferyllol a thechnolegau iechyd eraill, bydd partneriaid yn archwilio dichonoldeb defnyddio gwerthusiad technegol sydd wedi cael ei gynhyrchu gan asiantaeth arall i wneud penderfyniad ynghylch Asesu Technoleg Iechyd.
Bydd gweithgareddau’r grŵp yn cynnwys:
- Gweithredu prosesau ar gyfer rhannu rhaglenni gwaith
- Ymgysylltu â rhanddeiliaid cenedlaethol a byd-eang ynghylch y cyfleoedd i rannu gwaith
- Nodi meysydd methodolegol a gweithdrefnol i alluogi HTW i gefnogi rhannu gwaith yn y dyfodol.
- Datblygu’r broses.
- Sganio’r Gorwel
Mae partneriaid yn deall pa mo bwysig yw hi i’n systemau Asesu Technoleg Iechyd a gofal iechyd fedru paratoi ar gyfer heriau’r dyfodol. Bydd y grŵp yn gweithio gyda’i gilydd i gefnogi’r gwaith o baratoi’n well ar gyfer y dyfodol.
Bydd gweithgareddau’r grŵp yn cynnwys:
- Gweithredu prosesau i gefnogi ymwybyddiaeth o heriau’r dyfodol, gan gynnwys cyfnewid gwybodaeth rhwng asiantaethau ynghylch pynciau yn y dyfodol.
- Ystyried gweithgarwch ar gyfer y dyfodol ar gyfer asiantaethau, ac archwilio sut y gallem weithio gyda’n gilydd fel grŵp i ddefnyddio’r adnoddau hyn yn effeithlon.
Bydd y gwaith hwn yn paratoi’r ffordd hefyd ar gyfer creu prosiectau newydd ar y cyd ar flaenoriaethau cyffredin.
- Datblygu dulliau gwyddonol
Mae partneriaid yn cydweithio’n hyblyg ac yn gweithio gydag asiantaethau Asesu Technoleg Iechyd eraill sydd ddim yn rhan o’r grŵp. Mae gwaith cydweithredol yn galluogi ein hasiantaethau i wneud y defnydd gorau o’r sgiliau a’r arbenigedd sydd wedi’u cynnwys yn ein hasiantaethau.
Mae partneriaid yn gweithio i gefnogi ymwybyddiaeth ar draws y grŵp o’r prosiectau ynghylch gwyddoniaeth a dulliau y mae ein hasiantaethau yn cymryd rhan ynddynt, a’r gwaith cydweithredol sydd yn cael ei wneud ar y prosiectau hynny. Gall y grŵp ddewis creu prosiectau ar y cyd hefyd, sy’n deillio o rannu gwaith a sganio’r gorwel.
Gweithgareddau sy’n cynnwys aelodau’r grŵp:
- Cyfnewid gwybodaeth yn rheolaidd am brosiectau ynghylch gwyddoniaeth a dulliau mae ein hasiantaethau yn cymryd rhan ynddynt (hefyd gyda ZIN, NOMA a TLV)
- Gwaith prosiect ar y cyd sy’n parhau:
- Canllaw ar ddefnyddio canlyniadau amgen ar gyfer modelu economeg iechyd (hefyd gyda ZIN, ICER, IETS Colombia, Rubix, Fforwm Polisi Byd-eang HTAi)
- Defnyddio modelu clefydau cyfan mewn perthynas ag Asesu Technoleg Iechyd (hefyd gyda ZIN)
- Gwaith cydweithredol yn datblygu fframwaith gwerthuso digidol
Bydd y partneriaid yn cynnal gweminar rhannu gwybodaeth ym mis hydref 2023. Os oes gennych ddiddordeb mewn mynychu i ddysgu mwy am ein gwaith, dilynwch ni ar y cyfryngau cymdeithasol, lle byddwn yn hysbysebu’r digwyddiad. Fel arall, cofrestrwch i NICE news international, lle byddwn yn hysbysebu’r digwyddiad.
