Adroddiadau a Chanllawiau

Rydym yn cyhoeddi tri math gwahanol o adroddiad:

Adroddiad Archwilio Pwnc (TER)  – Mae TER yn cael ei gyhoeddi ar ôl i’r chwiliad cychwynnol am dystiolaeth ar bwnc gael ei gynnal. Mae’r chwiliad hwn ond yn digwydd ar gyfer pynciau sy’n briodol i gael eu harfarnu gan HTW. Mae’r TER yn cael ei gyflwyno i Grŵp Asesu HTW, sy’n penderfynu p’un a ddylid derbyn y pwnc ar raglen waith HTW neu beidio.

Adroddiad Arfarnu Tystiolaeth (EAR) – Unwaith y bydd pwnc wedi’i dderbyn ar raglen waith HTW, mae ymchwilwyr HTW yn cwblhau adolygiad cyflym o’r dystiolaeth sydd ar gael ar y pwnc, yn asesu’r dystiolaeth ac yn drafftio YAG. Caiff hyn ei adolygu gan y cyfeiriwr pwnc, arbenigwyr annibynnol a Grŵp Asesu HTW cyn ei gwblhau.

Canllawiau  (GUI) – Mae canllawiau’n cael eu cynhyrchu ynghylch p’un a ddylid argymell mabwysiadu technoleg yng Nghymru gan Banel Arfarnu HTW, sy’n arfarnu’r dystiolaeth sydd ar gael yn y ddogfen EAR. Mae’r canllawiau yn crynhoi’r dystiolaeth allweddol, ac unrhyw oblygiadau ar gyfer y sectorau iechyd a gofal cymdeithasol yng Nghymru.

Dogfennau Adolygu Arbenigol – Fel rhan o’n proses arfarnu, rydym yn gwahodd arbenigwyr ar bwnc penodol i gymryd rhan mewn adolygiad arbenigol o’n Hadroddiad Arfarnu Tystiolaeth drafft (EAR) ar y pwnc hwnnw. Rydym yn gofyn i adolygwyr roi sylwadau, naill ai ar faterion/pethau ansicr penodol y mae angen help ar ein tîm ymchwil i’w hegluro, neu ar gynnwys cyffredinol yr adroddiad.  Mae dogfennau adolygu arbenigol ar gael i’w gweld yn yr adran dogfennau ychwanegol ar ein tudalennau pwnc.

• Cliciwch yma i weld trosolwg o’r argymhellion a gyhoeddir gan Dechnoleg Iechyd Cymru (berthnasol i ganllawiau a gyhoeddwyd o Chwefror 2026)
• I gael mwy o wybodaeth am gyfieithu dogfennau gwyddonol yn Gymraeg gan Technoleg Iechyd Cymru, cliciwch yma.
• Cliciwch yma i weld rhaglen waith ddiweddaraf Technoleg Iechyd Cymru.