Canllawiau wedi’u cyhoeddi ar cathetrau mewnwythiennol perifferol hyd hir

Mae Technoleg Iechyd Cymru (HTW) wedi cyhoeddi canllaw newydd ar ddefnyddio cathetrau mewnwythiennol hyd hir ar gyfer cleifion sydd â mynediad mewnwythiennol anodd

Mae cathetrau mewnwythiennol hyd hir yn cael eu defnyddio ar gyfer cleifion sydd â mynediad mewnwythiennol anodd i gyflenwi meddyginiaeth, hylifau neu faetholion yn uniongyrchol i lif gwaed person, ac maen nhw’n cynnwys tiwbiau mwy hir na chathetrau mewnwythiennol perifferol byr (SPCs).

Awgrymwyd bod y tiwbiau hirach yn eu gwneud yn haws i’w mewnosod, ac yn eu galluogi i aros yn eu lle am yn hirach.

Yn ôl canllaw HTW, dylai cathetrau mewnwythiennol hyd hir ar gyfer cleifion sydd â mynediad mewnwythiennol anodd fod ar gael yn rheolaidd fel dewis arall yn lle cathetrau mewnwythiennol perifferol byr (SPCs) ar gyfer pobl sydd â mynediad mewnwythiennol anodd, y disgwylir iddynt fod angen mynediad mewnwythiennol am rhwng pedwar a 14 diwrnod.   Fodd bynnag, er bod cathetrau mewnwythiennol hyd hir yn dangos addewid mewn senarios eraill, nid yw’r dystiolaeth sydd ar gael yn ddigonol i gefnogi eu defnyddio fel mater o drefn.

I ddarllen y cyfarwyddyd yn llawn cliciwch yma