Cynnal profion procalcitonin ar y pwynt gofal

Pam y cafodd y pwnc hwn ei arfarnu?

Mae sepsis yn gyflwr a allai beryglu bywyd, ond yn aml, mae’n anodd ei ddiagnosio (yn enwedig mewn plant). Mae hyn yn gallu arwain at or-ragnodi  gwrthfiotigau, sy’n cyfrannu at ymwrthedd i gyffuriau, sy’n broblem fyd-eang. Gellir defnyddio Procalcitonin POCT mewn lleoliadau argyfwng i asesu heintiau yn gyflym (i wahaniaethu rhwng heintiau bacteria a feirysol) mewn oedolion a phlant sydd dan amheuaeth o fod yn dioddef o sepsis. Gallai hwyluso penderfyniadau o ran rhagnodi’n gynnar leihau’r risgiau sy’n gysylltiedig ag oedi diagnosis, a lleihau’r tebygrwydd o or-drin cleifion.