Llawfeddygaeth gynaecolegol ar gyfer canserau anfalaen trwy gymorth robot

Canlyniad yr arfarniad

Mae llawdriniaeth â chymorth robot yn dangos addewid ar gyfer cyflyrau gynaecolegol anfalaen, ond nid yw’r dystiolaeth yn ddigonol i gefnogi mabwysiadu hyn fel mater o drefn. Roedd yr arfarniad hwn yn cynnwys hysterectomi, myomectomi, sacrocolpopecsi a llawdriniaeth ar gyfer endometriosis â chymorth robot.

Mae tystiolaeth bresennol o hap-dreialon rheoledig yn dangos bod gan lawdriniaeth â chymorth robot ganlyniadau tebyg i opsiynau sy’n creu archoll mor fach â phosib eraill, a dangosodd dadansoddiad cost-canlyniad a gynhaliwyd gan HTW gostau uwch ar draws ystod o senarios wedi’u modelu pan ddefnyddir llawdriniaeth â chymorth robot o gymharu â hysterectomi laparosgopig, sacrocolpopecsi laparosgopig a sacrocolpopecsi agored.

Gan fod barn arbenigol a safbwynt y claf wedi dangos y gallai fod manteision ychwanegol i lawdriniaeth â chymorth robot, argymhellir gwaith ymchwil pellach i ddeall yn well effeithiolrwydd clinigol, diogelwch a chost effeithiolrwydd llawdriniaeth robotig mewn cyflyrau gynaecolegol anfalaen. Yn benodol, anogir ymchwil yn dilyn y gromlin ddysgu ar gyfer llawdriniaeth robotig, gan y gellir gwireddu mwy o fanteision yn yr achos hwn o ran amser gweithredu byrrach, hyd arhosiad a gwell diogelwch.