Dewis y wythïen orau

Crynodeb

Yn aml, mae ffyrdd traddodiadol o ddewis gwythïen yn cynnwys archwiliadau gweledol a thrwy deimlo â llaw Fodd bynnag, mae hyn yn gallu bod yn anodd, ac nid yw bob amser yn gweithio i rai cleifion. Mae dyfeisiau delweddu gwythiennau, arweiniad uwchsain, a phadiau cynhesu yn enghreifftiau o dechnolegau a allai helpu i ddewis gwythïen.

Chwiliodd ymchwilwyr Technoleg Iechyd Cymru am dystiolaeth ar dechnegau a allai helpu i ddewis gwythïen er mwyn cael mynediad mewnwythiennol perifferol.

Daeth Grŵp Asesu HTW i’r casgliad y dylid symud y pwnc hwn ymlaen i gynnal asesiad tystiolaeth llawn arno, a chanolbwyntio ar arweiniad uwchsain.