Close Biography of Cyfarwyddwr, Technoleg Iechyd Cymru Dr Susan Myles
Cadeirydd y Grŵp Asesu Mae Susan wedi bod yn ymwneud ag asesu technoleg iechyd cymhwysol ers 25 mlynedd. Cyn ymuno â Thechnoleg Iechyd Cymru, bu'n arwain datblygiad a gwaith Grŵp Technolegau Iechyd yr Alban. Mae Susan wedi derbyn ysgoloriaethau gan yr Adran Iechyd a’r Cyngor Ymchwil Meddygol, ac mae hi wedi derbyn Cymrodoriaeth Harkness mewn Polisi Gofal Iechyd. Mae ganddi gymwysterau mewn Economeg (BA), Economeg Iechyd (MSc a PhD) ac Epidemioleg (PgDip).

Close Biography of Cardiolegydd Ymgynghorol, BIP Bae Abertawe Daniel Obaid

Close Biography of Darllenydd mewn Gofal Cymdeithasol, Prifysgol Bangor Diane Seddon Mae Diane wedi arwain y gwaith o ddatblygu rhaglen ymchwil gofal cymdeithasol lwyddiannus, sy'n denu grantiau ymchwil gwerth dros £7 miliwn. Mae ganddi enw da am gwblhau ymchwil sy'n berthnasol i bolisïau sy'n cael effaith, sy’n cynnwys cwblhau adolygiadau gweithredu polisïau cenedlaethol fel y Strategaeth ar gyfer Gofalwyr yng Nghymru ar gyfer Llywodraeth Cymru. Mae Diane yn cyfrannu at y gwaith o ddatblygu a darparu System Cymorth ar Seilwaith Ymchwil Llywodraeth Cymru, ac mae'n arwain mentrau i integreiddio ymchwil, polisïau ac arferion yn well.

Close Biography of Uwch Arweinydd Ymchwil, Gofal Cymdeithasol Cymru Dr Eleanor Johnson Mae Eleanor yn gyn-weithiwr gofal ac ymchwilydd gofal cymdeithasol, sy'n angerddol am ymarfer gofal cymdeithasol sy'n seiliedig ar dystiolaeth. Yn ei rôl bresennol fel Uwch Arweinydd Ymchwil Gofal Cymdeithasol Cymru, mae Eleanor yn goruchwylio’r gwaith o greu a chyfathrebu crynodebau tystiolaeth a chynnwys pwnc ar gyfer gwefan The Insight Collective. Mae hyn yn rhoi'r dystiolaeth a'r gefnogaeth sydd eu hangen ar weithwyr gofal cymdeithasol i wneud gwahaniaeth cadarnhaol i ofal cymdeithasol yng Nghymru."

Close Biography of Cynghorydd Cynnwys y Cleifion a’r Cyhoedd a Partner Cyhoeddus Julie Hepburn Mae Julie wedi bod yn aelod o Dîm Cynnwys y Cyhoedd HTW ers 2024. Mae ei phrofiad yn cwmpasu 10 mlynedd yn gweithio ym maes Cynnwys y Cleifion a’r Cyhoedd,, ar ol iddi gael canser y colon cam 3, a gafodd ei drin yn llwyddiannus. Mae ei phrofiad o weithio ym maes Cynnwys y Cleifion a’r Cyhoedd yn cynnwys bod yn aelod o ddau Bwyllgor Canllawiau NICE, Partner Ymchwil Arweiniol Lleyg ar gyfer Canolfan Ymchwil Canser Cymru a Chanolfan Ymchwil Canser Arbrofol Caerdydd, a bod yn aelod o lawer o Grwpiau Rheoli Treialon a Phwyllgorau Llywio. Mae ganddi ddiddordeb arbennig mewn diagnosio canser yn gynnar a thriniaethau wedi'u targedu ar ei gyfer a hefyd, mewn denu cwmnïau masnachol i fuddsoddi mewn treialon canser a datblygiadau sy'n gysylltiedig ag iechyd yng Nghymru.

Close Biography of Athro Seiciatreg ym Mhrifysgol Abertawe Athro Keith Lloyd Mae Keith yn athro seiciatreg ym Mhrifysgol Abertawe ac yn gyfarwyddwr ei Sefydliad Gwyddor Bywyd, gyda diddordeb hirsefydlog mewn arloesi, lles ac iechyd technoleg feddygol a chwaraeon. Mae wedi gweithio fel dirprwy is-ganghellor meddygaeth, iechyd a gwyddor bywyd ym Mhrifysgol Abertawe a chyn hynny, fel pennaeth yr ysgol feddygol yno a chyn hynny, bu’n bennaeth yr hyn sydd bellach yn Ymchwil Iechyd a Gofal Cymru. Mae wedi gweithio gyda James Lind Alliance ar safbwyntiau’r cyhoedd a chleifion mewn perthynas â gosod blaenoriaethau ymchwil a chyda chydweithrediad Cochne. Mae Keith yn parhau i weithio'n glinigol fel seiciatrydd yn Abertawe.

Close Biography of CEDAR Megan Dale Mae gan Megan MSc mewn Peirianneg Fiofeddygol (Prifysgol Surrey) a gradd mewn Peirianneg Fecanyddol (Prifysgol Bradford). Mae hi hefyd yn Wyddonydd Clinigol Cofrestredig ac yn Gymrawd Ymchwil Anrhydeddus ym Mhrifysgol Caerdydd (Grŵp Ymchwil Peirianneg Fiofeddygol. Ers ymuno â'r GIG, mae hi wedi ennill profiad mewn rheoli offer a pheirianneg adsefydlu, cyn symud i CEDAR a datblygu arbenigedd mewn asesu technoleg iechyd ac economeg iechyd. Mae Megan yn arwain ffrwd waith economeg iechyd CEDAR, ac mae hi wedi chwarae rôl allweddol yng ngwaith CEDAR ar gyfer NICE am fwy na 15 mlynedd, gan gwmpasu mwy nag 20 o bynciau. Mae Megan yn arwain dadansoddiad economaidd iechyd ar gyfer treialon clinigol, gwerthusiadau gwasanaethau lleol a chenedlaethol, Rhaglen Gwerth mewn Iechyd Cymru, a thechnolegau meddygol newydd. Mae gan Megan brofiad hefyd mewn ymchwil ansoddol a gwerthuso prosiectau.

Close Biography of Dirprwy Gyfarwyddwr Meddygol, Cyd-bwyllgor Comisiynu GIG Penny Letchford Mae Penny wedi bod yn gweithio fel seiciatrydd ymgynghorol yn y GIG drwy gydol ei gyrfa glinigol. Yn ogystal â meddu ar brofiad helaeth ym maes gwasanaethau iechyd meddwl, mae hi wedi gweithio mewn nifer o swyddi arweinyddiaeth strategol uwch, gan gynnwys fel Cyfarwyddwr Clinigol, ac ar hyn o bryd, mae hi’n gweithio fel Dirprwy Gyfarwyddwr Meddygol Cyd-bwyllgor Comisiynu GIG Cymru (NWJCC). Mae ganddi ddiddordeb mawr mewn arweinyddiaeth glinigol, gwella gwasanaethau, a defnyddio tystiolaeth i gefnogi penderfyniadau gwybodus ym maes gofal iechyd. Mae ganddi raddau Meistr mewn Seiciatreg ac Addysg Feddygol, ac mae ei chefndir yn cyfuno arbenigedd clinigol gydag ymrwymiad cryf i addysg, arweinyddiaeth a gwelliant parhaus ym maes gofal iechyd.

Close Biography of Cyfarwyddwr Cynorthwyol neu Tystiolaeth, Gwerthusiad ac Effeithiolrwydd, Cyd-bwyllgor Comisiynu GIG Cymru Dr Rachel Gemine Mae Dr Rachel Gemine yn Gyfarwyddwr Cynorthwyol Tystiolaeth, Gwerthuso ac Effeithiolrwydd yng Nghyd-bwyllgor Comisiynu GIG Cymru; yn Uwch Ddarlithydd Anrhydeddus ym Mhrifysgol Abertawe, ac yn Olygydd Cyswllt yn BMJ Leader. Mae gan Rachel dros 15 mlynedd o brofiad o weithio ym maes ymchwil ac arloesi, ac mae hi wedi cydweithio ar geisiadau gwerth dros £20 miliwn. Mae Rachel yn brofiadol mewn ymchwil ansoddol a meintiol, llwybrau arloesi, a defnyddio data mewn ymchwil ac arloesi. Mae gan Rachel ddiddordeb hefyd mewn arweinyddiaeth a rheolaeth.

Close Biography of Arweinydd Arloesi Rhanbarthol, Cwm Taf Morgannwg RPB Tom Powell Dr Tom Powell yw Pennaeth Arloesedd ac Arweinydd Arloesi Rhanbarthol Bwrdd Partneriaeth Ranbarthol Cwm Taf Morgannwg yng Nghymru, ac mae'n uwch gymrawd gwadd ym Mhrifysgol De Cymru.Mae gan Tom fwy nag 20 mlynedd o brofiad, ac mae wedi gweithio o fewn Gwasanaeth Iechyd Gwladol y DU, y byd academaidd, ymchwil glinigol a'r sector cyhoeddus ehangach, ac mae wedi cwblhau a gwerthuso prosiectau, treialon ymchwil, a mentrau newid sefydliadol yn llwyddiannus. Mae ganddo ddoethuriaeth mewn Ffisioleg Anadlol, mae wedi sicrhau nifer o grantiau ymchwil, wedi arwain ar sawl prosiect ymchwil fel Prif Ymchwilydd, ac mae ganddo brofiad helaeth fel arholwr PhD.Mae gan Tom brofiad eang sy’n cynnwys; datblygu ceisiadau am gyllid yn llwyddiannus; ymchwilio a dadansoddi polisi'r Llywodraeth; cefnogi cynhyrchu cyngor polisi arbenigol annibynnol; syntheseiddio ac adrodd ar ddata iechyd a gesglir yn rheolaidd; cyfrannu at ddadansoddiad economaidd cenedlaethol; a gweithio gyda chydweithwyr ar draws GIG Cymru, y byd academaidd a'r llywodraeth i gyfrannu at benderfyniadau uwch arweinwyr gwasanaethau a pholisi.

Close Biography of Prif Swyddog Gwyddor Gofal Iechyd, Llywodraeth Cymru Vicki Heath Penodwyd Vicki yn Brif Swyddog Gwyddor Gofal Iechyd pwrpasol cyntaf Cymru yn 2024, ac mae hi’n gweithredu fel pennaeth y proffesiwn ar gyfer y 7,000 o wyddonwyr gofal iechyd sy'n gweithio ar draws 50 o ddisgyblaethau arbenigol yn GIG Cymru. Mae hi wedi cofrestru gyda’r Cyngor Proffesiynau Iechyd a Gofal fel gwyddonydd biofeddygol a gwyddonydd clinigol, gyda chefndir mewn microbioleg glinigol. Mae Vicki wedi bod yn gweithio am fwy nag 20 mlynedd yn y GIG, ac mae hi’n cynghori Gweinidogion ar faterion yn ymwneud â diagnosteg a gwyddor gofal iechyd.