Close Biography of Technoleg Iechyd Cymru, Swyddog Cynnwys y Cleifion a’r Cyhoedd Alice Evans
Cadeirydd y Grŵp Cynnwys y Cleifion a’r Cyhoedd Cyn ymuno â Technoleg Iechyd Cymru, dyluniodd Alice gwricwlwm o hyfforddiant sgiliau ar gyfer cleientiaid pediatrig Gwasanaeth Ystum Corff a Symudedd Cymru Gyfan mewn partneriaeth â chleifion a theuluoedd. Ar ôl hynny, gweithiodd Alice ym maes gofal iechyd parhaus (CHC) gyda'r de a'r dwyrain i ddatblygu hyfforddiant i wella dealltwriaeth o ofal iechyd parhaus a gofal dementia ar draws De Cymru mewn partneriaeth â rhwydweithiau cartrefi gofal a'r GIG. Nawr, yn Technoleg Iechyd Cymru, mae Alice yn gyfrifol am roi cymorth gwybodaeth i gleifion, sefydliadau cleifion, gofalwyr ac aelodau'r cyhoedd.

Close Biography of Cynghorydd Cynnwys y Cleifion a’r Cyhoedd Heidi Livingstone Mae gan Heidi dros 28 mlynedd o brofiad o weithio yn y GIG, gan gynnwys 19 mlynedd yn gweithio yn y Sefydliad Cenedlaethol dros Ragoriaeth mewn Iechyd a Gofal (NICE). Bu’n arbenigo am 13 mlynedd mewn cynnwys y cleifion wrth gynnal Arfarniadau o Dechnolegau Iechyd (HTAs), gan ganolbwyntio ar p’un a ydy meddyginiaethau’n cynnig gwerth am arian i’r GIG yn Lloegr. Roedd ei gwaith yn cynnwys datblygu prosesau cynnwys, hyfforddi sefydliadau cleifion, a chefnogi aelodau lleyg y pwyllgor—yn enwedig yng nghyd-destun clefydau prin ac eithriadol o brin. Roedd hi hefyd yn weithgar yng Ngrŵp Diddordeb HTAi (Health Technology Assessment International) ar gyfer Cynnwys y Cleifion a Dinasyddion, gan wasanaethu ar ei grŵp llywio ac arwain prosiectau rhyngwladol. Yn arbennig, cyfrannodd at ddatblygu’r ddogfen SIP (Summary of Information for Patients), dogfen Saesneg plaen a gynlluniwyd i helpu cleifion i gymryd rhan mewn cynnal Arfarniadau o Dechnolegau Iechyd.

Close Biography of Cynghorydd Cynnwys y Cleifion a’r Cyhoedd John Gallanders

Close Biography of Cynghorydd Cynnwys y Cleifion a’r Cyhoedd a Partner Cyhoeddus Julie Hepburn Mae Julie wedi bod yn aelod o Dîm Cynnwys y Cyhoedd HTW ers 2024. Mae ei phrofiad yn cwmpasu 10 mlynedd yn gweithio ym maes Cynnwys y Cleifion a’r Cyhoedd,, ar ol iddi gael canser y colon cam 3, a gafodd ei drin yn llwyddiannus. Mae ei phrofiad o weithio ym maes Cynnwys y Cleifion a’r Cyhoedd yn cynnwys bod yn aelod o ddau Bwyllgor Canllawiau NICE, Partner Ymchwil Arweiniol Lleyg ar gyfer Canolfan Ymchwil Canser Cymru a Chanolfan Ymchwil Canser Arbrofol Caerdydd, a bod yn aelod o lawer o Grwpiau Rheoli Treialon a Phwyllgorau Llywio. Mae ganddi ddiddordeb arbennig mewn diagnosio canser yn gynnar a thriniaethau wedi'u targedu ar ei gyfer a hefyd, mewn denu cwmnïau masnachol i fuddsoddi mewn treialon canser a datblygiadau sy'n gysylltiedig ag iechyd yng Nghymru.

Close Biography of Cynghorydd Cynnwys y Cleifion a’r Cyhoedd a Partner Cyhoeddus Robert McAlister Mae Bob yn aelod o'r cyhoedd sy'n rhoi sylwadau ar faterion ymchwil ym maes iechyd a gofal. Mae’n bartner ymchwil cyhoeddus yng Nghanolfan Ymchwil Canser Cymru, ac mae’n aelod o fwrdd sy’n cynghori ar fynediad at ymchwil i Gartrefi Gofal. Mae ei gyfraniad cyhoeddus wedi arwain ato’n cynrychioli ar lefel y DU. Yn ei fywyd gwaith, mae wedi cael ei gyflogi ym myd addysgu, plismona a phresenoldeb ysgol

Close Biography of Cynghorydd Cynnwys y Cleifion a’r Cyhoedd Tony Esmond Mae Tony yn gyn-weithiwr proffesiynol yn y GIG, gyda dros ugain mlynedd o brofiad, gan ddechrau fel Nyrs Iechyd Meddwl yn arbenigo mewn Gofal yr Henoed. Arweiniodd ei daith ym maes arweinyddiaeth at rolau mewn comisiynu gwasanaethau, rheoli ansawdd ar draws Ymddiriedolaethau'r GIG ac mewn meddygfeydd teulu, a gweithio mewn swyddi uwch gan gynnwys gweithio fel Cyfarwyddwr Cynorthwyol Nyrsio. Mae Tony wedi gwasanaethu fel Ymgynghorydd EMI hefyd ar gyfer y Gwasanaethau Cymdeithasol, ac roedd yn aelod o Ganolfan Ansawdd Cymru. Yn dilyn ei ddiagnosis o gyflwr genetig hynod brin, daeth Tony yn eiriolwr ymroddedig dros afiechydon prin. Mae'n gwasanaethu fel Ymddiriedolwr ar gyfer y gymdeithas sy'n cefnogi ei gyflwr, ac mae'n llais gweithredol ar nifer o bwyllgorau cynghori, gan gynnwys LOWMAG a fforymau o fewn Swyddfa Comisiynydd Heddlu De Cymru. Drwy gynadleddau cenedlaethol, cyfryngau addysgol, ac arddangosfeydd rhyngwladol, mae Tony yn parhau i godi ymwybyddiaeth, dyrchafu profiad bywyd, a hyrwyddo cynhwysiant ar gyfer unigolion â chyflyrau prin.

Close Biography of Cynghorydd Cynnwys y Cleifion a’r Cyhoedd Versha Sood Mahindra, BEM Mae Versha yn arweinydd gofal dementia sydd wedi cael ei chydnabod yn genedlaethol, ac fe dderbyniodd Fedal Ymerodraeth Prydain am ei gwasanaethau i gydlyniant cymunedol a chymorth dementia. Mae hi'n arwain strategaeth dementia ar gyfer Bwrdd Partneriaeth Rhanbarthol Caerdydd a'r Fro, ac yn cyfrannu at bolisi cenedlaethol, ymchwil ac ymgysylltu cynhwysol. Ar hyn o bryd, mae hi'n gwasanaethu fel Cymrawd Gwadd ym Mhrifysgol De Cymru, ac mae hi'n cyd-arwain y Grŵp Cynghori Ymchwil Lleiafrifoedd Ethnig (EMRAG). Mae Versha yn ymddiriedolwr Cymorth i Fenywod Caerdydd hefyd, yn lywodraethwr yn Eastern High School, ac yn llysgennad ar gyfer Cymdeithas Alzheimer’s. Mae hi wedi gweithio mewn rolau ymgynghorol gyda Heddlu De Cymru a'r Bwrdd Cynghori Cenedlaethol ar Gymorth Tai. Fel aelod o’r Grwp Cynnwys y Cleifion a’r Cyhoedd, mae hi'n hyrwyddo cyd-gynhyrchu ac arloesedd sy'n canolbwyntio ar y person mewn technoleg iechyd. Mae ganddi gred ddofn mewn urddas, amrywiaeth, ac yn y pŵer o gydweithio.