Canllawiau wedi’u cyhoeddi ar liposugno ar gyfer lymffoedema cronig

Mae Technoleg Iechyd Cymru wedi cyhoeddi canllaw newydd ar ddefnyddio liposugno i drin lymffoedema cronig.

Mae lymffoedema yn gyflwr lle mae hylif yn cronni yn y breichiau a’r coesau ac yn achosi iddynt chwyddo.  Fel arfer, mae’n effeithio ar y breichiau neu’r coesau ond mae’n gallu effeithio ar wal y frest, yr abdomen, y gwddf a’r wyneb hefyd.

Mae liposugno yn cael ei ddefnyddio yn draddodiadol i gael gwared ar fraster corff diangen. Cynigiwyd y gellir ei ddefnyddio i ddraenio hylif i drin lymffoedema.

Yn ôl canllaw HTW, mae’r driniaeth yn addawol, fodd bynnag nid yw’r dystiolaeth bresennol yn cefnogi ei fabwysiadu fel mater o drefn yng Nghymru.

Mae HTW yn argymell yn gryf bod angen mwy o dystiolaeth ar effeithiolrwydd, ar brofiad cleifion ac ar ganlyniadau liposugno gan gleifion i drin lymffoedema cronig, yn enwedig mewn pobl sydd â lymffoedema yn eu coesau.

I ddarllen y canllaw yn llawn, cliciwch yma.