Canllawiau wedi’u cyhoeddi ar ymyriadau digidol ar gyfer clefyd cronig yr arennau

Mae Technoleg Iechyd Cymru wedi cyhoeddi canllaw cenedlaethol yn argymell defnyddio Kidney BEAM yn rheolaidd, sef adnodd digidol i gefnogi pobl sy’n byw gyda chlefyd cronig yn yr arennau (CKD) yng Nghymru.

Mae CKD yn effeithio ar ychydig o dan 100,000 o bobl yng Nghymru.

Mae gwneud newidiadau i ffordd o fyw, fel gwneud mwy o ymarfer corff a bwyta deiet gwell, yn gallu bod o fudd wrth helpu i reoli’r cyflwr, ac yn gwella’r ffactorau risg sy’n gysylltiedig â CKD.

Gall ymyriadau adsefydlu digidol a hunanreoli fel gwefannau ac apiau helpu i addysgu cleifion am eu cyflwr, a darparu adnoddau i’w helpu i wella eu ffordd o fyw.

Yn ôl canllaw HTW, mae Kidney BEAM yn gwella ansawdd bywyd pobl, ac yn cynyddu eu hyder wrth reoli eu cyflwr.

Fe wnaeth y canllaw ddarganfod hefyd, bod y dechnoleg yn gost-effeithiol ac y dylid ei defnyddio fel adnodd ychwanegol ochr yn ochr ag unrhyw raglenni eraill sydd yn cael eu cynnig yng Nghymru ar hyn o bryd.

I ddarllen y canllaw yn llawn, cliciwch yma.